Detenshon relashoná ku atrako
KOMUNIKADO DI PRENSA 531/2023
12 novèmber 2023
Detenshon relashoná ku atrako
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku investigashon relashoná ku un kaso di atrako ku a tuma lugá dia 28 di
òktober 2023 entre 22.00’or i 23.00’or na altura di un lugá di stashoná outo den besindario
di Pater Eeuwensweg, polis a hasi un detenshon.
Djabièrnè 10 di novèmber 2023 alrededor di 15.10’or, Tim di Atrako a detené e hòmber
sospechoso C.D.V., di 22 aña di edat nasé na St. Maarten.
Detenshon di e sospechoso aki a tuma lugá na un lugá di laba outo riba Garipitoweg.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

