KOMUNIKADO DI PRENSA 536/2023
15 novèmber 2023

Detenshon relashoná ku intento di asesinato

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku un kaso di intento di asesinato ku arma
di kandela ku un persona heridá, ku a tuma lugá den luna di ougùstùs último na Mahaai i
Kaya Wladimir “Coco” Balentien, polis a hasi dos detenshon.
Djaráson 15 di novèmber 2023, alrededor di 05.08’or tim di atrako a hasi detenshon
di e hòmber sospechoso F.S.L.D.S de G nasé na Kòrsou di 23 aña di edat.
Su detenshon a tuma lugá den Kaya Kazerne.
Despues di su detenshon polis a tene un entrada hudisial na e adrès menshoná i a konfiská
artikulonan di importansia pa e investigashon.
Seguidamente e tim di atrako a bai na un adrès den Totonakenweg i a hasi e di dos
detenshon. Ta trata di e hòmber sospechoso F.C.P. nasé na Kòrsou di 49 aña di edat.
A presentá ambos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.