KOMUNIKADO DI PRENSA 540/2023
16 novèmber 2023

Detenshon relashoná ku ladronisia

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di ladronisia ku a tuma lugá dia 9 di novèmber 2023, den un kas na Villapark Zuurzak, djárason 16 di novèmber 2023, e tim di Reshèrshi riba òrdu di fiskal di Ministerio Públiko, a realisá un detenshon.
Alrededor di 18.15’or e tim en kestion a bai na kas di e sospechoso riba F.D. Rooseveltweg i a hasi detenshon di e hòmber M.P.M.H., di 41 aña di edat nasé na Guyana.
Despues di e detenshon a tene un entrada hudisial i a konfiská un kantidat chikí di droga.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.