Minister Shalten Hato di Hustisia i Minister di Enseñansa i minister di Siensia, Kultura i Deporte sr. Sithree van Heydoorn, a presentá den sala di Parlamento den un enkuentro públiko.

REDAKSHON November 17, 2023 0 Comments

Parlamento di Kòrsou

Djaweps 16 di novèmber 2023, Minister Shalten Hato di Hustisia i Minister di Enseñansa i minister di Siensia, Kultura i Deporte sr. Sithree van Heydoorn, a presentá den sala di Parlamento den un enkuentro públiko. Minister Shalten Hato, ku a remplasá Minister Charles Cooper di Tráfiko, Transporte i Planifikashon Urbano i minister Sithree van Heydoorn, a kontestá preguntanan relashoná ku “Shofùrnan di transporte eskolar ku aktualmente ta kai bou di ABC busbedrijf”. E preguntanan relashoná ku e tópiko aki, a keda hasí dor di Miembro di Parlamento sr. Gibi Doran.

Despues minister Shalton Hato den kalidat di Minister Hustisia a kontestá preguntanan den kuadro di “Maneho ku ta hiba pa loke ta trata e Lei di kachónan peligroso”. Esaki ta basá riba preguntanan hasí dor di Miembro di Parlamento sr. Ramon Yung. Despues di e kontestanan, vários Miembro di Parlamento a hasi un pregunta adishonal, ku seguidamente e ministernan Van Heydoorn i Hato a kontestá.