KOMUNIKADO DI PRENSA 542/2023
17 novèmber 2023

Entrada hudisial enkonekshon ku ladronisia di kabritu

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Enkonekshon ku vários ladronisia di kabritu, djabièrnè 17 di novèmber 2023 alrededor di
14.00’or personal di VVC i tim di reshèrshi di Barber konhuntamente ku GMN (Asuntunan
Veterinario) bou di guia di fiskal di Ministerio Públiko a tene un entrada hudisial.
A bai na un adrès na Klein Santa Martha i a bin topa ku un labaratorio di droga.
Einan a haña i konfiská 101 mata di mariwana i atributonan pa prosesá droga.
Tur loke a keda konfiská a keda entregá na Departamentu di Narkótika.
Durante di e entrada hudisial aki no a topa ku kabritunan hortá i no a realisá ningun
detenshon.