Detenshon relashoná ku maltrato.
KOMUNIKADO DI PRENSA 011 / 2021
10 yanüari 2021
Detenshon relashoná ku maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 9 di yanüari 2020 alrededor di 15.18’or, Sentral di Polis a haña notifikashon di un
kaso di maltrato ku sekuestro ku a tuma lugá den Marchena.
For di un investigashon ku polis a hasi na e sitio a resultá ku un hòmber a bai ku un dama
den un vehíkulo for di e sitio hasiendo uso di violensia.
Polis a kuminsá ku búskeda den e área sin e resultado deseá. Mas atardi alrededor di
17.15’or den área di Marchena, polis a señala e vehíkulo ku e sospechoso i e víktima aden.
A start un persiguishon ku a terminá na altura di un minimarket riba Veerisweg.
Na e sitio polis a detené e shofúr sospechoso O.B.A.W. nasé na Kòrsou di 47 aña. Den e
vehíkulo a haña e dama víktima di nashonalidat dominikano ku tabata maltratá.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.
