Aklarashon di suseso ku un famia na Imigrashon.
KOMUNIKADO DI PRENSA 010 / 2021
10 yanüari 2021
Aklarashon di suseso ku un famia na Imigrashon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Gobièrnu pa basta luna kaba a informá debidamente kiko ta e rekisitonan den kuadro di
reglanan pa ku prevenshon di Covid-19 ku personanan mester kumpli kuné, si nan ta biba
na Europa i ta deseá di bini Kòrsou di vakashon.
E personanan aki na promé lugá mester hasi un petishon na ‘Reisverificatie’ pa haña
aprobashon pa por biaha pa Kòrsou. Tambe nan mester hasi un PCRtest i tin prueba por
eskrito ku resultado di e test aki ta negativo.
Apesar di esaki den e último lunanan tabatin personanan ku a logra yega Kòrsou sin a
kumpli ku e rekisitonan konserní.
E informe ku a keda publiká den un matutino lokal riba djabièrnè 8 di yanüari último,
tokante di un pareha, di kua un di nan dos ta nasé di mayornan Hulandes Karibense i nan yu
di 3 aña ku inhustamente a wòrdu pone bèk riba avion, no ta kuadra ku bèrdat.
E personanan aki no tabatin nan dokumentunan na òrdu pa bin pasa 5 siman di vakashon
na Kòrsou.
Imigrashon hasiendo su trabou di un manera deligente, a konstatá ku e personanan
konserní no a aserká ‘Reisverificatie’ pa por a biaha/drenta Kòrsou. En bista ku nan tabata
biahando for di Fransia, ku ta un pais di riesgo haltu.
Esei tabata motibu ku nan no a wòrdu atmití.
