Komishon Sentral di Parlamento a deliberá ku Minister di Salubridat Públiko, Medio Ambiente i Naturalesa, Minister di Desaroyo Sosial, Labor i Bienestar i representante di SVB, riba kuenta i relato anual 2021 i 2022 di SVB pa loke ta gastunan di salubridat i tambe gastunan di penshun.

November 25, 2023 REDAKSHON

Parlamento di Kòrsou

Komishon Sentral di Parlamento a deliberá ku Minister di Salubridat Públiko, Medio Ambiente i Naturalesa, Minister di Desaroyo Sosial, Labor i Bienestar i representante di SVB, riba kuenta i relato anual 2021 i 2022 di SVB pa loke ta gastunan di salubridat i tambe gastunan di penshun.
Djabièrnè 24 di novèmber 2023, Miembronan di Parlamento a bin huntu den un Komishon Sentral pa deliberá ku sr. Gilmar Pisas, ku ta asumí e posishon (parsialmente) di Minister di Salubridat Públiko, Medio Ambiente i Naturalesa, Minister di Desaroyo Sosial, Labor i Bienestar sra. Ruthmilda Larmonie-Cecilia i sr. Philps Martis i sr. François Simon ku ta representante di SVB riba kuenta i relato anual 2021 i 2022 di SVB pa loke ta gastunan di salubridat i tambe gastunan di penshun.
Durante e reunion, Miembronan di Parlamento a hasi pregunta den e promé tanda. Visepresidente di Parlamento sra. Corinne Djaoen-Genaro a skòrs e reunion te un próksimo aviso pa duna Minister Pisas i Minister Larmonie-Cecilia e espasio pa formulá e kontestanan hasí den e promé tanda.