KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Aksidente di tráfiko ku morto

KOMUNIKADO DI PRENSA 558/2023
27 novèmber 2023

Aksidente di tráfiko ku morto

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 27 di novèmber 2023 alrededor di 08.32’or, Sentral di Polis a risibí notifikaskon ku tin un aksidente di tráfiko ku a kaba di tuma lugá riba Kaminda Serapio A. Pinedo na altura di e bògt promé ku JLB i ku tin un persona pegá den un outo ku ta gravemente heridá.
Mesora a dirigí un unidat di warda di polis di Barber na e sitio. Na yegada di e unidat, el a topa ku un dama shofùr ku no tabata duna señal di bida.
For di investigashon preliminar a sali na kla, ku un di e vehíkulonan a bai resultá riba man kontrali i dal den un otro outo ku tabata bini for di e otro direkshon.
Alrededor di 10.10’or, Sentral di Polis a keda notifiká ku e dama Recheline Hooi nasé na Kòrsou dia 14 di novèmber 1973, a fayesé na e sitio a konsekuensia di herídanan ku el a sufri durante di e aksidente.
Dòkter di polis a konstatá morto.
Personal di Departamento di Tráfiko ta investigando e kaso.

 

639114718427035"
639114718427035"