Kaso di atrako ku detenshon i konfiskashon
KOMUNIKADO DI PRENSA 569/2023
3 desèmber 2023
Kaso di atrako ku detenshon i konfiskashon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 3 di desèmber 2023 alrededor di 12,29’or, Sentral di Polis a dirigí unidat di
Barber i di Politur pa dos turista ku a keda atraká na altura di e ‘zoutpan’ na Jankok.
For di investigashon a sali na kla ku dos turista ku a yega na e sitio pa bai disfrutá di e
flamingonan, a keda sorprendé pa dos hòmber ku a ranka yabi di nan outo i bai ku tur
pertenensia ku nan tabatin den e outo.
Den e outo ku nan a yega na e sitio kuné lo tabatin un di tres hòmber ku tabata fungi komo
shofùr i a sigui tras di e outo hortá.
Mesora e unidatnan tantu di polis komo di Politur a kuminsá ku un búskeda i na altura di
Seru Chikí un di e unidatnan di Politur a señalá e outo ku e malechornan aden pero despues
a pèrdè esaki for di bista.
Durante di búskeda, e unidatnan di Politur i Polis a bin enkontrá e dos vehíkulonan, tantu di
e sospechosonan komo esun ku nan a hòrta for di e turistanan.
Ambos a keda konfiská.
Algun ratu despues den e besindario ei, polis a detené e hòmber sospechoso F.E.L. di 21
aña di edat nasé na Kòrsou relashoná ku komplisidat den e kaso di atrako aki.
A presentá e sospechoso dilanti di un fiskal ouksiliar, ku a ordená su enkarselamentu
pendiente di mas investigashon.

