Miembronan di komishon fiho di Desaroyo Ekonómiko a bishitá ‘Curaçao Airport Partners (CAP)’.

Parlamento di Kòrsou

Miembronan di komishon fiho di Desaroyo Ekonómiko a bishitá ‘Curaçao Airport Partners (CAP)’.
Djaluna 4 di desèmber 2023, Komishon fiho di Desaroyo Ekonómiko a realisá un bishita di trabou na ‘Curaçao Airport Partners (CAP)’.
Na inisio di e bishita di trabou, e miembronan a haña un rekorido riba e pista di aeropuerto, kaminda nan a risibí splikashon di e último desaroyonan i proyektonan ku ta pendiente na HATO.
Despues di e rekorido, e tim di maneho di CAP a duna un presentashon ekstenso na e komishon fiho enkuanto nan maneho, desaroyo i plannan pa futuro, ku na su turno a hasi diferente pregunta.
Na final komishon a palabrá ku lo hasi un siguiente bishita na aeropuerto pa wak e otro partinan ku komishon no a logra bishitá.