Gabinete di Gezaghèber ta será pa buska VOG pa motibu di trabou di mantenshon

05 dec 2023

Ofisina di Gabinete di Gezaghèber ta keda será te ora terminá ku e trabou di mantenshon nesesario.

Gabinete di Gezaghèber ta anunsiá ku aktualmente no ta posibel pa buska Deklarashon Tokante Kondukta (VOG) personalmente na nos ofisina, pa motibu di trabou agudo di mantenshon nesesario. Nos diskulpa pa e inkumbiniensia.

Será te ora terminá trabou di restorashon

Ofisina di Gabinete di Gezaghèber ta keda será te ora terminá ku e trabou di mantenshon nesesario. Nos ta aspirá pa kompletá e trabou akí mas pronto posibel, di manera ku nos por reanudá nos servisio normal.

Hasi petishon online pa VOG ta keda disponibel

No opstante ku nos ofisina ta será temporalmente, ta keda posibel pa hasi petishon online pa VOG. Por hasi petishon online pa un VOG pa medio di manda un formulario di petishon kompletamente yená huntu ku e dokumentunan nesesario via email pa vog-bonaire@bonairegov.com. E dokumentunan nesesario i splikashon di esakinan bo por haña riba:  bonairegov.com/pa/habitante/deklarashon-tokante-kondukta

Solushon temporal pa buska VOG

Pa e personanan ku ya kaba a pidi nan VOG i tin nesesidat urgente di e dokumentu akí, nos ta trahando pa haña un solushon temporal pa buska esaki. Tene nos wèpsait ofisial i nos kanalnan di komunikashon na bista pa aktualisashonnan tokante disponibilidat di e areglo temporal akí.

Kontakto i mas informashon

Pa eventual pregunta òf pa mas informashon, bo por tuma kontakto ku nos sentro di servisio na kliente via 715 5330 òf via info@bonairegov.com. Nos ta apresiá bo komprenshon i koperashon durante e periode akí di trabou di mantenshon.

Nos ta lamentá kualke inkumbiniensia i nos ta gradisí bo pa bo pasenshi.