KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Atrako ku detenshon

KOMUNIKADO DI PRENSA 586/2023
9 desèmber 2023

Atrako ku detenshon

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 9 di desèmber 2023 alrededor di 10.40’or, Sentral di Polis a risibí informashon di
dos hòmber bistí na pretu riba un skuter ku tabata kore di un forma sospechoso riba asera
den Breedstraat Punda.
Mesora a dirigí unidatnan den e direkshon ei.
Djis un ratu despues, a drenta un otro yamada indikando ku e dos hòmbernan a drenta den
un hoyeria i a kibra diferente vitrina i bai ku un kantidat di merkansía.
Mientras ku un unidat a yega na e hoyeria pa tuma informashon, e otronan a sigui buska
den área di Skalo, na unda a haña informashon ku nan a bai.
Alrededor di 10.50’or, un unidat polisial a detené un di e atrakadónan, e hòmber
sospechoso N.A.H. di 23 aña di edat nasé na Kòrsou riba e skuter na altura di Berg Altena.
Kontinuando ku e investigashon, un unidat di Politur ku tambe tabata den e búskeda, a bin
topa riba Kaya Zusternan di Schijndel un flanèl pretu ku probablemente ta di un di e
sospechosonan.
Tantu e skuter komo e flanèl a keda konfiská pa mas investigashon.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.

 

639114718427035"
639114718427035"