KOMUNIKADO DI PRENSA 085/2023.
3 mart 2023.

Dos detenshon relashoná ku atrako.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un kaso di atrako ku a tuma lugá dia
26 di febrüari 2023, den área di Penstraat riba algun turista, Tim di Atrako a hasi dos
detenshon.
Djaweps 2 di mart 2023, alrededor di 19.00’or di anochi Tim di Atrako a hasi detenshon di
dos sospechoso na un lugá di stashoná vehíkulo di un supermerkado riba Schottegatweg
Oost.
Ta trata di :
 un hòmber sospechoso L.A.D.L.R.N., di 21 aña di edat nasé na Barranquilla i
 un hòmber sospochoso A.D.F.V., di 18 aña di edat nasé na Colombia.
A presentá e dos sospechosonan dilanti un fiskal ouksiliar ku despues di interogashon a
ordená nan enkarselamentu pendiente di mas investigashon.