Di dos vehíkulo di ‘fever’ konfiská
KOMUNIKADO DI PRENSA 589/2023
11 desèmber 2023
Di dos vehíkulo di ‘fever’ konfiská
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 11 di desèmber 2023 alrededor di 11.20’or doño di e vehíkulo aki ku algun dia pasá tabata pone ‘fever’ ku su vehíkulo den serkanía di un pòmp di gasolin, a bin mèldu na warda di reshèrshi huntu ku e vehíkulo ku kua e tabata pone ‘fever’.
E vehíkulo aki meskos ku esun anterior a keda konfiská inmediatamente i lo keda na
disposishon di hustisia.
Manera ya indiká, no ta bai tolerá e tipo di situashonnan aki di ‘fever’, drift ni pustamentu riba kamindanan públiko ni tampoko sitionan aksesibel pa públiko.
Ya kaba tin sierto áreanan ku ta konosí ku ponementu di ‘fever’ ta tuma lugá ku sierto
regularidat i aparte di ta forma peliger pa e besindario, ta stroba e libertat di tráfiko tambe.
Polis tin atenshon speshal pa e sitionan aki.
Ya kaba tin unidatnan polisial èkstra 24 ora pa dia pa na momentu ku yamada drenta,
respondé i aktua inmediatamente kontra di e fenomeno aki, pa asina garantisá òrdu públiko riba nos isla.
Nos ke animá tur siudadano pa yama polis mesora na momentu ku nan tuma nota di e
komportashonnan robes aki, ku ta stroba nan trankilidat i pone nan seguridat na peliger.
Un bia mas polis ta hasi un yamada tambe na e fanátikonan ku ta bai pa presensia
ponementu di ‘fever’ i pustamentu ilegal, pa no partisipá tampoko komo públiko, pasobra bo ta kore rísiko na momentu di un deskuido i algu bai kompletamente robes.
Athunto potret:


