GOBIÈRNU DI KÒRSOU TA FIRMA AKUERDO KU BLUE PLANET ALLIANCE I GREENING THE ISLANDS
MINISTERIO KONSERNÍ DESAROYO EKONÓMIKO
GOBIÈRNU DI KÒRSOU TA FIRMA AKUERDO KU BLUE PLANET ALLIANCE I GREENING THE ISLANDS
PUBLIKÁ RIBA 11 DESÈMBER 2023
Un akuerdo di koperashon firmá durante COP28 na Duba pa Desaroyá Mapa stratégiko Energétiko 2045 pa Kòrsou
Willemstad – Den kuadro di e desishon ku Konseho di Minister a tuma riba 22 di novèmber último, den kuadro di desaroyo di un strategia di klima, nos ta deseá pa informá komunidat tokante un kolaborashon prometedor ku Blue Planet Alliance i Greening the Islands, den kuadro di e konferensha COP28 ku aktualmente ta tumando lugá na Dubai.
Konseho di Minister a determiná, ku elaborashon di un Mapa di Energia lo ta un parti esensial di nos esfuersonan mas amplio pa logra 100% energia sostenibel pa 2045. Den kuadro di e ambishon akí, ta un plaser pa informá ku Blue Planet Alliance, durante COP28 na Dubai, a ofresé asistensia pa yuda nos logra e meta aki.
E Blue Planet Climate Agreement, ku a keda firmá durante COP28 na Dubai, ta deklará intenshon di Blue Planet Alliance pa pone fin na uso di komustibel basá riba fosil pa 2045. E aliansa ta kla pa yuda kualkier isla òf pais ku ta dediká na atendé e meta aki. Den bista di nos propio kompromiso pa logra 100% energia renobabel pa 2045, nos tin e intenshon pa uni ofisialmente na Blue Planet Alliance.
E kolaborashon ku Blue Planet Alliance, Greening the Islands, i nos mes esfuersonan ta inklui:
- Kolaborashon ku IRENA i TNO:bE grupo dirigente pa realisashon di e trayekto di bientu den laman ta ku TNO na Hulanda i IRENA na Abu Dhabi pa desaroyá un mapa di rutanan pa transishon di energia pa Kòrsou. Greening the Islands i Blue Planet Alliance a indiká nan disponibilidat pa kolaborá ku IRENA i TNO pa diseñá e Mapa di Energia pa Kòrsou.
- Finansiamentu: Blue Planet Alliance a konfirmá nan kompromiso pa finansiá e gastunan relashoná ku e kolaborashon aki.
- Metodologia: E proseso proponé ta inkluí un fase di inventario/análisis, siguí pa desaroyo di e mapa proponé, i finalmente guia durante e fase di implementashon.
E kolaborashon proponé difundí e mensahe di 100% energia renobabel na otro islanan i paisnan den henter mundu. E resultadonan di e análisis lo keda presentá na e reunion di SIDS4 na Antigua i Barbuda na Mei 2024.