KOMUNIKADO DI PRENSA 596/2023
13 desèmber 2023

Persekushon, detenshon i konfiskashon

Departamentu di Komunikashon i Prevenshon

KUERPO POLISIAL KÒRSOU

SIRBI I PROTEHÁ
Djarason 13 di desèmber alrededor di 13.46’or, un unidat polisial a mèldu Sentral di Polis ku e ta persiguiendo un outo den kua tin un hòmber ku no a sigui òrdu di polis pa para pa un kontròl.
Durante di e persekushon aki, e vehíkulo den kua e sospechoso tabata, a aksidentá kontra dos otro vehíkulo, promé riba Antillenweg i despues riba Venezuelaweg.
Den Venezuelaweg e hòmber a kontinuá ku su huida na pia, bulando algun kurá di kas den besindario.
Seguidamente polis a rondoná e área den kua e hòmber tabata i despues di un búskeda
kòrtiku, un unidat di Politur a logra detené e hòmber R.J.J.G, di 21 aña di edat nasé na
Kòrsou den Venezuelaweg.
A presentá e sospechoso dilanti un fiskal ouksiliar ku despues di interogashon a keda lagá den libertat.
E vehíkulo a keda konfiská pa mas investigashon