KOMUNIKADO DI KUERPO POLISIAL KÒRSOU 596/2023
14 desèmber 2023

Presensia di grupo religioso riba nos isla

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 14 di desèmber 2023 Kuerpo Polisial a risibí diferente yamada di siudadano i di
prensa tokante di presensia di un grupo relativamente grandi di hòmber bistí na pretu ku
tabata move riba nos isla i prinsipalmente den sentro di siudat ku sierto ekspreshonnan.
Ta trata aki di un grupo di hòmber religioso di kua un gran parti a bini abordo di un barku
krusero for di den oranan trempan di mainta i ku den oranan despues di mèrdia, ya a
bandoná nos isla atrobe.
E grupo aki a pidi un pèrmit delantá pa por a tene un marcha den kayanan di siudat. Esaki a
keda honrá tambe, a base di e derecho fundamental di libertat di ekspreshon i di religion ku
kada siudadano tin.
Sinembargo a papia ku lider di e grupo na nan yegada, pa evitá kunan ta aglomerá
E petishon di parti di polis tabata pa mas bien nan kana den gruponan mas chikí i asina ei
evitá ku siudadanonan ku no a kustumbrá ku e esenarionan aki, por a haña e sentimentu di
pániko.
Polis i V.K.C. tabata riba pia den kuadro di e akshon ‘Fin di aña sin zanzaña’ i a akudí den e
área di Mega Pier tambe i sentro di siudat, pa por a garantisá ku aki tambe tur kos tabata
kana na òrdu.
No tabatin ningun insidente o situashon den kua polis mester a intervení