Partidonan ta yega na akuerdo tokante solushon pa ENNIA / Akkoord tussen partijen over de resolutie van ENNIA

Partidonan ta yega na akuerdo tokante solushon pa ENNIA

Willemstad/Philipsburg – Manera a bini dilanti den e komunikado di prensa di 7 di òktober 2023, den e
último simannan, Centrale Bank van Curaçao en Sint Maarten (CBCS) a bini ta traha huntu ku e gobièrnunan di Kòrsou i di Sint Maarten riba un plan pa solushoná e problemanan na ENNIA.
CBCS i e dos gobièrnunan a yega na un akuerdo (na nivel tékniko) riba puntonan prinsipal (‘hoofdlijnenakkoord’) komo solushon pa grupo ENNIA. Ku e solushon aki, lo no ta nesesario pa redusí balor di e pólisanan di ENNIA Caribe Leven N.V. (ECL). E akuerdo riba puntonan general aki lo sirbi
komo base pa un ‘kontinuashon parsial di ECL. E solushon akí ta salvaguardiá kontinuidat di e servisionan di grupo ENNIA, inkluso e parti di seguro di bida.
Pa por implementá e solushon akí, ainda mester risibí e aprobashonnan nesesario segun lei- i regulashonnan relevante di Kòrsou i Sint Maarten.
CBCS lo mantené tur ’stakeholders’ di ENNIA debidamente informá riba marcha i implementashon di e solushon akí. Na mes momento, CBCS lo sigui vigilá interes di tur kreditor di grupo ENNIA, inkluyendo e aseguradonan.
Willemstad, 20 di desèmber, 2023
CENTRALE BANK VAN CURAÇAO EN SINT MAARTEN
GOBIERNU DI KÒRSOU
GOBIERNU DI SINT MAARTEN