Aksidente ku herido
KOMUNIKADO DI PRENSA 001/2024
2 yanüari 2024
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Aksidente ku herido
Djamars 2 di yanüari 2024 alrededor di 00.20’or, Sentral di Polis a risibí informashon di un
aksidente ku a tuma lugá riba F.D. Rooseveltweg.
Na yegada di e unidat el a topa un outo di famia i un bròmer ku tabata enbolbí den e
aksidente.
For di investigashon preliminar a sali na kla ku e outo ku tabata kore riba F.D. Rooseveltweg
dado momento a bai lora bèk riba e mesun kaminda. E bròmer ku tabata aserkando a dal
kontra di e outo aki.
Shofùr di e bròmer a sufri sla serio na su pianan i a keda transportá ku ambulans pa C.M.C.
pa tratamentu médiko.

