Detenshon relashoná ku akto inmoral i maltrato

KOMUNIKADO DI PRENSA 016/2024
15 yanüari 2024
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Detenshon relashoná ku akto inmoral i maltrato
Djadumingu dia 14 di yanüari 2023 alrededor di 18.05’or, Sentral di Polis a dirigí un unidat di polis pa un playa na Caracasbaai, pa un kaso di akto inmoral i maltrato.
Na e sitio polis a komprondé ku un hòmber lo a kometé akto inmoral ku e dama i despues ku e dama a rekshoná kontra di e hòmber, esaki lo a maltrat’é.
Na yegada di e unidat ya e agresor bai for di e sitio.
E víktima tabatin sla na kara i brasa. A pidi presensia di ambulans, ku a transport’é pa Sala di Emergensia di C.M.C. pa kuido médiko avansá.
Alrededor di 20.30’or e hòmber sospeshoso A.A.A.S., di 31 aña di edat nasé na Kòrsou, a
mèldu su mes na warda di polis Rio Canario relashoná ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

