Búskeda di e hóben Shargionny Madelin Christina
KOMUNIKADO DI PRENSA 019/2024
16 yanüari 2024
Búskeda di e hóben Shargionny Madelin Christina
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Polis ta pidi búskeda di e hóben Shargionny Madelin Christina nasé na Kòrsou di 19 aña di edat.
Djasabra 30 di desèmber 2023, e hóben aki a sali kas na Zuiderzeestraat i no a regresá kas.
Shargionny tin e siguiente diskripshon:
Haltura: 1.60 m;
Postura: gordo;
Kara: oval;
Kabei: pretu te na skouder;
Koló di kueru : maron skur;
Koló di wowo: maron skur.
Na momentu ku e hóben aki a bandoná su kas e tabatin jeans bistí, un blusa ros
floria i na su pia un slòf ros.
Polis ta supliká tur persona ku por duna kualke informashon tokante di e hóben aki pa tuma
kontakto ku polis na number di telefòn 917 òf e number anónimo 108.
