Parlamento a kuminsá ku tratamentu di e Presupuesto pa aña di servisio 2024 “Ontwerplandsverordening tot vaststelling van de begroting van Curaçao voor het dienstjaar 2024”.

Parlamento di Kòrsou

Parlamento a kuminsá ku tratamentu di e Presupuesto pa aña di servisio 2024 “Ontwerplandsverordening tot vaststelling van de begroting van Curaçao voor het dienstjaar 2024”.
Djaluna 22 di yanüari 2024, Miembronan di Parlamento, a bin huntu den un reunion Públiko pa trata e Presupuesto pa aña di servisio 2024 “Ontwerplandsverordening tot vaststelling van de begroting van Curaçao voor het dienstjaar 2024”.
Riba e promé dia di tratamentu, a trata diferente kapítulo di e Presupuesto. A kuminsá ku kapítulo 19 ku ta kai bou di Ministerio di Finansa, kapítulo 14 ku ta parti di ministerio di VVRP, siguí pa kapítulo 10 kual ta trata Órganonan di Estado i sobrá Órganonan general i kapítulo 11 ku ta parti di Ministerio di Asuntunan General. Alabes a kontinuá ku kapítulo 18 ku ta responsabilidat di Ministerio di GMN i a terminá ku tratamentu di kapítulo 13 ku ta parti di ministerio di Hustisia.
Djamars, 23 di yanüari 2024, lo kontinuá ku sobra kapítulonan den promé tanda i lo habri oportunidat pa algun minister kuminsa ku e kontestanan.
E intenshon ta pa djabièrnè, 26 di yanüari 2024, votashon final tuma lugá riba e Ordenansa pa fihá e Presupuesto pa aña di servisio 2024.