Detenshon pa maltrato
KOMUNIKADO DI PRENSA 039/2024
27 yanüari 2024
Detenshon pa maltrato
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 27 di yanüari 2024 alrededor di 04.51’or, Sentral di Polis a risibí vários yamada
tokante di un maltrato ku tabata tumando lugá na altura di e rotònde banda di Stadion
Ergilio Hato.
Mesora a dirigí un unidat pa e sitio.
Na yegada di e unidat, el a topa un hòmber ku un herida basta serio na su kabes.
For di investigashon preliminar a sali na kla, ku probablemente e víktima lo a kousa
destrukshon na outo di e otro hòmber, i e último aki a agredi’é ku un opheto na altura di su
kabes.
Ambulans a transportá e víktima pa Sala di Emergensia di C.M.C., mientras ku na e sitio mes
polis a detené e hòmber I.E.N.B. di 46 aña di edat nasé na Kòrsou i a konfiská e vehíkulo.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.

