Dama ku a tèst positivo pa Covid-19 a drenta Kòrsou for di Bonaire ku dokumento falsifiká.

 

KOMUNIKADO DI PRENSA 266 / 2021
25 yüli 2021
Dama ku a tèst positivo pa Covid-19 a drenta Kòrsou ku dokumento falsifiká.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps dia 22 di yüli último, un dama riba un buelo prosedente di Boneiru, a hasi uso di un
dokumento falsifiká pa por a logra drenta Kòrsou.
Despues ku e dama aki, kende promé ku a biaha pa Kòrsou ya tabata na altura ku el a tèst
positivo pa Covid-19, a keda señalá aki na Kòrsou pa konosínan, mesora a bati alarma na
outoridatnan lokal.
Outoridatnan di salubridat a mobilisá inmediatamente i pone e dama aki den isolashon,
kaminda e ta wòrdu kontrolá 24 ora pa dia dor di tantu outoridatnan polisial komo di
salubridat públiko.
For di investigashon a sali na kla ku e dama aki a falsifiká dokumento, pa asina haña akseso
na nos isla, no opstante ku e ta positivo.
Despues ku e dama aki sali for di isolashon, lo bai atendé kune konforme e proseso penal.
Kuerpo Polisial ta konsiderá e aktitut aki unu hopi serio i iresponsabel, kaminda un persona
dor di konsientemente kometé un echo kastigabel (e.o. falsifikashon), ta fasilitá su mes
entrada na nos pais, burlando di reglanan di nos sosiedat i eksponiendo nos salú públiko na
peliger di infekshon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: