Minister Dorothy Pietersz- Janga a huramentá Asistente Botikario Kamphorst

Minister Dorothy Pietersz- Janga a huramentá Asistente Botikario Kamphorst

Willemstad – Resientemente Minister di Salú, Medio Ambiente i Naturalesa dr. Dorothy Pietersz- Janga, a huramentá Asistente Botikario señora Marjon Kamphorst.

Minister Pietersz- Janga ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma aki e Asistente Botikario ku a huramentá a kumpli ku eksigensianan di nos leinan vigente pa e por ehersé su profeshon. Despues di e akto ofisial Minister Pietersz- Janga a felisitá señora Kamphorst i a dese’é tur klase di éksito. Señora Kamphorst a bini Kòrsou pa establesé su mes i e lo bai laborá na Botika Dominguito.  

Riba potrèt, Minister Pietersz- Janga i señora Marjon Kamphorst despues di e akto ofisial.