Minister Charles Cooper ta hasi apertura di Siman Intensivo Digital Twin

Spich di Minister Cooper:

Presentenan tur felis mainta i un dushi djaluna mainta,bon siman.

Awe ta un dia sumamente importante pa nos.

Importante pa motibu ku e siman aki nos ta bai tin un asina yama un Siman Intensivo kaminda ku TNOInnovation for life, ta bai pasa e konosementu tokante traha ku e programa di Digital Twin na nos Gobiernu, Pa medio di e Digital Twin aki nos lo bai sigiu hasi uzo di modelonan ku ta kalkula scenarionan ku nos por aplika pa mehora konektividat, mehora konfiansa, i garantisá ku nos sistema di mobilidat ta korespondé ku e nesesidatnan di un sosiedat moderno i dinámiko i ku lo kontribuí tambe na un futuro sostenibel i progresivo. tambe lo ekipa nos ku e resultadonan di estudionan hasi di e ultimo añanan riba tereno di mobilidat aki na Korsou. Esaki konforme e MOU ku a wordu firma na aña 2018 entre TNO, VVRP i UOC University of Curaçao.

Komo Minister di Tráfiko, Trasporte, i Planifikashon Urbano, nos ta komprometí pa sigiu hasi estudionan pa introdusí inovashonnan sostenibel ku lo mehora i optimalisa aksesibilidat, hisa kalidat di bida pa hasi mobilidat na Kòrsou, unu konfiabel, sigur, efisiente, ku e atenshon pa nos medio ambiente.

Mi mas kordial saludo i eksito ku e Siman Intensivo di Digital Twin Curaçao.