Notisia di polis di djabièrnè 2 di febrüari te ku djaluna 5 di febrüari 2024 / Politieberichten van vrijdag 2 februari tot en met maandag 5 februari 2024

Notisia di polis di djabièrnè 2 di febrüari te ku djaluna 5 di febrüari 2024

Detenshonnan pa manehá bou di influensia
Alrededor di 2.35 or di mardugá riba djaluna 5 di febrüari, a detené un dama di inisial S.G.N. di 27 aña di edat. Despues di un mediashon riba Kaya Korona, e dama a kore bai mustrando komportashon di manehá imprudente. Dor di esaki e patruya a bai tras di outo i na diferente okashon a duna señal pa para, na kua e dam ano a duna oido. Riba Bulevar J.A. Abraham e outo a para, kaminda a detené e dama pa manehá di manera imprudente i pa no duna oido na òrdu di un ámtenar den funshon, despues ku el a duna algu di opstrukshon pa ku su detenshon.

Riba djabièrnè 2 di febrüari a detené un hòmber di inisial J.A.M. di 42 aña di edat pa manehá bou di influensia di alkohòl. A spòt e outo di e sospechoso na momentu ku e tabata zeilu riba Kaya Nikiboko Nort. Pa esaki a para e outo riba Kaya Macario (Cai) Sint Jago pa un kòntròl. Por a nota vários karakterístika ku ta indiká ku e tabata bou di influensia di alkohòl pa kua motibu a disidí pa hasi un tèst di supla kuné. Despues di a purba sinku biaha e sospechoso no por a hasi e tèst di supla i a detené.

Riba djadumingu 4 di febrüari alrededor di 3.30 or di mardugá, a detené un hòmber di inisial J.G.D. di 33 aña di edat riba Kaya J.N.E. Craane pa manehá bou di influensia. E sospechoso tabata enbolbí den un aksidente kaminda el a a kore dal patras di outo ku tabata stashoná. Durante di kòntròl di su dokumentunan por a nota vários karakterístika ku ta indiká ku e tabata bou di influensia di alkohòl. Pa e motibu aki a disidí pa hasi un tèst di supla kuné despues di kua detené.

Ladronisia di skuter
Riba djadumingu 4 di febrüari a drenta keho di ladronisia di un skuter pretu di marka Kymco, modèl Agility, numerá MF-607. E skuter tabata stashoná pafó di un establesimentu nokturno situá na Kaminda Lac. Entre 00.45 or i 2.45 or di mardugá deskonosínan bai kuné.

Algu mas lat riba e mesun dia a drenta keho di ladronisia di otro un skuter. E biaha aki ta trata di un skuter kolo shinishi di marka Kymco, modèl Agility, numerá MF-93. . E skuter aki tambe tabata stashoná pafó di un establesimentu nokturno situá na Kaminda Lac. Entre 22.30 or di djasabra 3 di febrüari i 2 or di mardugá di djadumingu 4 di febrüari deskonosínan bai kuné.

Karnaval hubenil a bai trankil
Wikènt tras di lomba e paradanan hubenil a tuma lugá na Rincon i na Playa.
Riba djasabra tur kos a kana trankil na Rincon i no tabatin niun partikularidat.
Riba djadumingu na Playa a papia ku algun shofùr en konekshon ku stashonamentu tras di barikada. Tambe a papia ku kuater shofùr di stèp pa baha i kana ku e stèp na man komo ku nan tabata koriendo riba kaminda públiko ku tabata será en konekshon ku karnaval. Mas aleu a kita un baiskel hiba warda. Esaki pa motibu ku a pidi e siklista pa kana ku e baiskel na man despues di kua el a bolbe subi bek. Alrededor di 9 or di anochi tur karetera tabata habri pa tráfiko.

Outo ta bòltu despues di aksidente
Riba djasabra 3 di febrüari, alrededor di 2 or di atardi un aksidente entre dos outo a tuma lugá riba Kaminda Djabou. Outo 1 tabata manehando den direkshon nort na momentu ku outo 2 a sali for di Kaya Tintorero pa subi Kaminda Djabou sin duna preferensia ku konsekuensia ku outo 1 a dal den outo 2. Outo 2 a bòltu riba su banda dor di klap. Ambulans a transportá shofùr di outo 2 pa hospital pa tratamentu médiko.

Detenshon pa maltrato
Riba djasabra 3 di febrüari a detené un hòmber di inisial E.A.E. di 37 aña di edat pa maltrato riba Kaya Neerlandia. E sospechoso a dal un dam ku moketa será den su kara.

Kòntròl di tráfiko plania Kaya Nikiboko Sùit
Riba djabièrnè 2 di febrüari alrededor di 6.15 or di atardi, a tene un kòntròl di tráfiko plania riba Kaya Nikiboko Sùit. Aki a kontrolá 15 vehíkulo motorisá, di kua 4 shofùr a haña but.
E butnan tabata pa lo siguiente:
2x pa manehá sin reibeweis bálido
2x pa manehá sin seguro bálido
1x pa manehá sin plachi di number
KPCN ta hala atenshon di un i tur pa nan tin e dokumentunan nesesario manera menshoná akiriba, na òrdu. Tambe ta konsehá estriktamente pa kumpli ku e reglanan di Lei di Tráfiko. Ku esaki bo tambe ta kontribuí na un tráfiko seif i sigur riba e isla. E periodo benidero lo bai tene kòntròl regularmente, kaminda lo aktua ku man duru na momentu ku no tin e dokumentunan menshoná ariba na òrdu i tambe si no ta kumpli ku reglanan di tráfiko.

Bo no ta kumpli ku reglanan? Bo por haña un but.
E suma di un but pa e violashonnan menshoná ta varia entre $30 te ku $225.

Bo a mira algu sospechoso? Yama 717 8000 òf e liña di tep anónimo 9310.

---

 

 

Politieberichten van vrijdag 2 februari tot en met maandag 5 februari 2024
Aanhoudingen voor het rijden onder invloed
Omstreeks 02.35 uur op maandag 5 februari werd een 27-jarige vrouw met initialen S.G.N. aangehouden. Na een bemiddeling aan de Kaya Korona, reed de vrouw weg, roekeloos rijgedrag tonend. Hierop ging de patrouille de auto achterna en gaf op verschillende momenten signalen om te stoppen, waaraan de vrouw niet voldeed. Op de Bulevar Julio A. Abraham stopte de auto, waarna de vrouw na enige tegenwerking werd aangehouden voor het roekeloos rijden en voor het niet voldoen aan een vordering van een ambtenaar in functie.

Op vrijdag 2 februari werd een 42-jarige man met initialen J.A.M. aangehouden wegens het rijden onder invloed van alcohol. De auto van de verdachte werd gespot toen het slingerend over de weg reed op de Kaya Nikiboko Noord. Hierdoor werd de auto gestopt op de Kaya Macario (Cai) Sint Jago voor een controle. De verdachte toonde verschillende kenmerken waardoor er werd besloten een blaastest af te nemen. De bestuurder kon na vijf keer proberen de blaastest niet doen waarop hij werd aangehouden.

Op zondag 4 februari omstreeks 03.30 uur, werd een 33-jarige man met initialen J.G.D. aangehouden op de Kaya J.N.E. Craane voor het rijden onder invloed van alcohol. De verdachte was betrokken bij een aanrijding waarbij hij met zijn auto achterop een geparkeerde auto botste. Tijdens de controle van de documenten werden verschillende kenmerken waargenomen die duiden op het onder invloed zijn van alcohol. Hierdoor werd besloten een blaastest bij hem af te nemen waarop hij werd aangehouden.

Diefstal scooters
Op zondag 4 februari werd aangifte gedaan van diefstal van een zwarte scooter van het merk Kymco, model Agility, met kentekennummer MF-607. De scooter stond buiten een horeca gelegenheid aan de Kaminda Lac geparkeerd en werd tussen 00:45 uur en 02:45 uur door onbekenden weggenomen.

Iets later op dezelfde dag werd aangifte gedaan van diefstal van nog een scooter, dit keer betrof het een grijze scooter van het merk Kymco, model Agility met kentekennummer MF-93. Deze scooter stond ook buiten de horeca gelegenheid aan de Kaminda Lac geparkeerd en werd tussen zaterdag 3 februari, rond 22:30 uur en zondag 4 februari, rond 02:00 uur door onbekenden weggenomen.

Kindercarnaval rustig verlopen
Afgelopen weekend vonden de kinderparades plaats in Rincon en Playa.
Op zaterdag verliep alles rustig in Rincon en waren er geen bijzonderheden. Op zondag in Playa werden enkele bestuurders aangesproken in verband met het parkeren achter de barricades. Ook werden vier bestuurder van steps aangesproken om van de steps af te stappen doordat ze op de openbare weg in afgesloten gebied reden tijdens carnaval. Verder werd een fiets in bewaring genomen. Dit doordat de bestuurder werd aangesproken waarna hij weer op de fiets stapte.
Rond 21:00 uur waren alle wegen weer open voor het verkeer.

Auto over de kop na aanrijding
Op zaterdag 3 februari vond omstreeks 14:00 uur een aanrijding tussen 2 auto’s plaats op de Kaminda Djabou. Auto 1 reed in noordelijke richting op de Kaminda Djabou toen opeens auto 2 vanuit de Kaya Tintorero de Kaminda Djabou opreed zonder voorrang te verlenen waardoor auto 1 tegen auto 2 klapte. Auto 2 kwam door de klap op zijn zijkant terecht. De bestuurder van auto 2 werd met de ambulance naar het ziekenhuis gebracht voor medische behandeling.

Aanhouding mishandeling
Op zaterdag 3 februari werd een 37-jarige man met initialen E.A.E. aangehouden op de Kaya Neerlandia voor mishandeling. De man had een vrouw met gebalde vuist in haar gezicht geslagen.

Geplande verkeerscontrole Kaya Nikiboko Suit
Op vrijdag 2 februari werd vanaf 18:45 uur een verkeerscontrole gehouden aan de Kaya Nikiboko Suit. Hierbij werden 15 motorrijtuigen gestopt voor een controle, waarvan 4 bestuurders een bekeuring kregen.

De bekeuringen waren als volgt:
2x voor het rijden zonder geldig rijbewijs;
2x voor het rijden zonder geldige verzekeringsbewijs;
1x voor het rijden zonder kentekenplaat.

KPCN wil een ieder erop attenderen om de nodige bescheiden zoals hierboven genoemd op orde te hebben. Ook het zich houden aan de regels van de verkeersverordening wordt sterk geadviseerd. Hiermee draag je ook bij aan een veilig verkeer op het eiland. Er zullen de komende periode regelmatig controles gehouden worden, waarbij er streng wordt opgetreden als je bovengenoemde niet in orde hebt of als je je niet houdt aan de verkeersregels.
Houdt je je niet aan de regels? Dan kan je een bekeuring krijgen. Het bedrag van een boete voor bovengenoemde overtredingen varieert tussen de $30 en $225.

Heeft u iets verdachts gezien? Bel 911 of 717 8000 of de anonieme tip lijn 9310.