KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Presidente di Trabou Pa Kòrsou: Sr. Jonathan Symor

 

Sr. Symor: “elekshon 2025, TPK ta bai krese na asiento. No tin duda” Jonathan Symor, presidente nobo di partido Trabou Pa Kòrsou
Tur ku ke ataká shushi, sinta duru. Informashon di tur hende, ta TPK tin’e.

Partido Trabou Pa Kòrsou tin un presidente nobo. Ta trata di Sr.Jonathan Symor ku a funshoná pa 3 aña den e funshon di sekretario den direktiva di Trabou pa Kòrsou. Trabou Pa Kòrsou for di 6 luna pasá a kuminsá ku e preparashon nan nesesario pa partisipá na elekshon 21 di mart 2025. Den kuadro di esaki según dokumentonan ku ta reglá prosedura nan interno di Trabou Pa Kòrsou, a eligí un presidente nobo. Ta bon pa bolbe informa komunidat, ku kontrali na tur otro partido polítiko, serka Trabou pa Kòrsou ta unikamente esun nan ku ta riba lista i a keda aktivo, tin e derecho di partisipá i tuma desishon riba asuntunan ku partido ta atende. Tambe den TPK ta e lista ta duna direktiva mandato i direktiva mester responsabilisa su mes na lista. Esaki pa evitá lokual a bini ta pasa den algun otro partidonan, kaminda direktiva ta uza hendenan riba lista pa nan propio benefisionan i asta traha plancha pa kore ku hende for di direktiva o postula otro marioneta den direktiva uzando e famoso miembronan ku ta inskribí algun siman promé ku elekshon di direktiva di e partido. E gobernante nan organiko no ta pèrmití e tipo di praktikanan aki tuma luga. For di yanüari 2021 esaki ta e prosedura di TPK.

Direktiva di TPK ta konsistí di presidente Sr. Jonathan Symor, sekretaria
Sra. Abigaïl Boelijn, tesorero Sr. Errol Goeloe, komisario Sr. Raimy Manuela i komisario i lider politiko Sr. Rennox Calmes. Según Sr. Symor: “ta bisto ku partido Trabou Pa Kòrsou ta bai krese na voto den e siguiente elekshon. E forma ku nos lider, Sr. Rennox Calmes a bini ta profila, a resultá ku e ta un menasa serio pa tur partido. Pa bisa flèt. Tur partido tin miedu di TPK. P’esei a bini ta harma tur tipo di strategia pa ataká i/o stroba nos lider di siguí profila. Pero un gobernante organiko sa di adapta i siguí.” Según Sr. Symor: “nos lista ta kasi kla. Después di siman nan di formashon i entrenamentu ekstenso, TPK ta kla pa aseptá e asientonan ku pueblo ta bai duna TPK na elekshon 2025. Esaki ta nifiká ku no ta nos lider so, nan mester tin miedu di dje awor. Awor nos ta mas. Bon pa mi enfatisá ku mirando ku e aña aki ta aña di elekshon i ta konosí ku den aña di elekshon ta lanta tur tipo di “fake new” i atakenan infunda, direktiva lo no basila pa duna òrdu pa kontra aresta i eliminá tur ku hasi esakinan kontra Trabou Pa Kòrsou. Kòrda nos a avisá fo’i tempran.Tur ku ke hasi kampaña shushi, sinta duru. E konseho ta, keda na nivel. Djis un konseho, paso informashon di tur hende, ta TPK tin’e.”
Trabou Pa Kòrsou: Sr. Jonathan Symor

 

 

 

639114718427035"
639114718427035"