KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kontròl di polis a sòru pa buraku den marcha

KOMUNIKADO DI PRENSA 049/2024
4 febrüari 2024
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontròl di polis a sòru pa buraku den marcha

Kuerpo Polisial a risibí krítika pa e echo ku na un okashon a krea buraku durante di e
Marcha Hubenil ku a tuma lugá djadumingu 4 di febrüari último.
Polis ta rekonosé ku e kontròlnan na salida di e marcha, di bèrdat a kuminsá un poko mas
lat di loke ku tabata planiá. Esaki pa motibunan organisatorio ku tabata nesesario pa e
agentenan a kumpli kuné promé ku nan a sali kaya.
Sinembargo, hustamente pasobra nan a yega na e punto di kontròl mas o menos mei ora
promé ku e marcha mester a sali i pa no stroba desaroyo di e marcha, a opta pa kontrolá
dokumentonan di e promé vehíkulonan mientras ku esakinan tabata den moveshon.
Te na momentu ku nan a bin topa shofùr di un vehíkulo ku ta forma parti di e marcha, ku no
tabatin su dokumento di inspekshon huntu kuné.
E vehíkulo ei si polis mester a para kompletamente te na momentu ku e shofùr por a
mustra e dokumento. Den e kaso aki polis a mustra fleksibilidat pa buena marcha, dor di
aseptá e dokumento di forma digital.
Mientras ku polis tabata atendé ku e shofùr aki, e promé parti di e marcha a kontinuá
kreando asina ei un buraku.
No opstante e loke ku a sosodé, polis a sòru di tene e ruta liber pa asina e marcha por a
sigui move sin mas estorbo i yega su final den tur trankilidat, ku un durashon di tempu mas
kòrtiku ku e aña anterior.
Kuerpo Polisial ta pidi su diskulpa pa e buraku ku a keda kreá pa motibu di e kontròlnan
ehersé ariba menshoná i lo bai hasi un evaluashon internamente.
Nos lo komprometé ku pa e siguiente marchanan e kontròlnan lo keda efektuá na tempu,
basta ku e vehíkulonan tambe yega e punto di kontròl na tempu.

 

 

639114718427035"
639114718427035"