KOMUNIKADO DI PRENSA 060/2024
8 febrüari 2024

No ta pèrmití benta di alkohòl ku menornan di edat

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kuerpo Polisial ke enfatisá ku lo aktua severamente kontra di esnan ku ta bende alkohòl ku
menornan di edat durante di e marchanan di Karnaval.
No ta pèrmití tampoko pa laga menornan di edat bai hasi adultonan fabor, dor di kumpra
bebida alkohóliko pa nan.
E responsabilidat ta entre otro serka esun ku ta bende, ku mester sigurá su mes ku no ta ku
un menor di edat e ta bendiendo bebida alkohóliko.
Den kaso ku esun ku ta bende tin duda ku ta trata aki di un menor, semper e por pidi e
menor pa mustra su identifikashon.
Di otro banda tur persona di 12 aña di edat bai ariba, mester tin un identifikashon bálido
semper huntu ku nan.
Un yamada ta bai na mayornan, pa papia ku nan yunan i mustra nan riba e konsekuensia di
uso di alkohòl i droga pa nan salú i nan futuro.
Laga nos protehá nos muchanan i nos hóbennan durante di e marchanan di karnaval
tambe.