MINISTER DI HUSTISIA SHALTEN HATO A HASI BISHITA NA SDKK
MINISTERIO KONSERNÍ HUSTISIA
MINISTER DI HUSTISIA SHALTEN HATO A HASI BISHITA NA SDKK
PUBLIKÁ RIBA 08 FEBRÜARI 2024
En konekshon ku entrega di stulnan nobo, baiskel pa patruyá i reklutashon pa seguridat di prizòn
WILLEMSTAD – Djárason 7 di febrüari 2024, Minister di Hustisia sr. Shalten Hato a hasi un bishita di trabou na Sentro di Detenshon i Korekshon Kòrsou (SDKK). E bishita di trabou akí, tabata den kuadro pa hasi entrega di e stulnan nobo ku a yega pa prizòn i tambe baiskel pa patruyá riba tereno di e instituto.
Na e okashon akí sr. Anthony Hasselmeijer komo direktor suplente i sr. Jabets Pinedo komo Bosero di SDKK, huntu ku algun personal di prizòn a risibí e promé stulnan nobo i tambe e baiskel di patruyá.
Tambe durante e bishita sr. Shalten Hato a risibí informashon riba e trayekto di kombersashon di solisitut ku ta tumando lugá pa ku reklutashon di personal di seguridat pa prizòn. Pa ku e reklutashon akí, a keda instalá 3 komishon ku lo skucha mas o ménos 80 kandidato pa ku e funshon di seguridat na prizòn.
Gerensia di SDKK ta sumamente gradesido ku e koperashon i trabounan hasí entre SDKK i Ministerio di Hustisia.
