Peliger durante temporada di Karnaval

Peliger durante temporada di Karnaval
Karnaval, e temporada di hopi goso i ambiente a yega atrobe. Grandi i chiki kièr asistí na tur aktividat karnavalesko. Pero no tur aktividat ta pa tur edat. Komo mayor bo ta keda responsabel pa bo yu i ta bo deber di tuma desishonnan korekto pa protegá bo yu na tur momentu.
Ta importante pa nos ta konsiente di e peligernan ku por tin durante e temporada di Karnaval
No ta apropiá pa bai ku beibi òf mucha chikitu aktividatnan pa adulto anochi òf para hinter dia wak marcha di Karnaval. Tene na kuenta ku mucha tin ku drumi na tempu. Nan tin derechi riba sosiegu, bon nutrishon i protekshon. No solamente protekshon pa nan oido kontra muzik duru òf pa nan kueru kontra rayonan di solo, sino protekshon kontra maltrato, deskuido i negligensia.
Awor ta serka ken bo ta laga bo yu?
Den e temporada di Karnaval tin yen krèsh klandestino ta ofresé nan servisio sin ta kapasitá pa por kuida ni un yu. Laga bo yu serka e ‘babysitter’ mas barata òf esun riba ruta di kas òf lag’é bai ‘sleepover’ serka amiga ku nunka b’a yega di drenta su kas, no ta e mihó eskoho. Perkurá pa bo yu ta na un lugá seif i bou di guia di un persona ku bo konosé i sa kon responsabel e persona ta.
Keda alerta!
No laga un mucha bai baño òf kumpra kos su só riba kaya, ni maske kon serka e tin ku kana bai. Perkurá pa e mucha no pèrdè. Sòru pa un adulto responsabel tin bista riba e mucha na tur momentu i pa e mucha sa su nòmber kompletu, adrès i un number di telefòn òf tin un karchi ku e informashon aki pegá na su paña. Mustr’é persona uniformá manera polis (KPC), VKC òf BSF ku e por pidi yudansa.
Durante e temporada di Karnaval uso eksesivo di droga i alkohòl por tuma lugá, ku por hiba na diferente tipo di abusu. Esaki ta un motibu dikon kasonan di violensia doméstiko tambe ta oumenta den e temporada aki den nos komunidat. Evitá na eksponé mucha i hóbennan na e situashonnan aki ku no ta kuadra ku nan fase di desaroyo.
Sea konsiente ku abusu en general i prinsipalmente abusu seksual ta tuma lugá mayoria bia dor di un persona konosí. No ta solamente hende hòmber, pero hende muhe, por ehèmpel un tanchi òf un prima, tambe por kometé abusu seksual kontra menor di edat.
Laga un hóben/menor di edat ‘babysit’ un mucha mas chikí kuné, por ehèmpel laga un ruman grandi/primu(a) di 15 aña keda kas su só ku un ruman/mucha chikí di 4 aña tampoko no ta responsabel. Un tersera parti (1/3) di abusu seksual kontra mucha ta wòrdu kometé dor di un persona bou di 18 aña di edat esta un otro menor di edat.
Mucha no por bira víktima pa falta di responsabilidat di adulto!
‘Fundashon Bos di Hubentut’ ta haña sumamente importante pa tur mayor i edukador papia ku nos mucha i hóbennan riba e peligernan manera abusu en general i abusu seksual ku por tuma lugá durante e temporada dushi di Karnaval pa nan por rekonosé peliger na tempu i sa di pidi yudansa pa nan mes òf un otro persona.
Pa mas informashon tuma kontakto durante oranan di ofisina na telefòn 462-2442, 461-8103 òf riba WhatsApp 524-5362.

Gevaren tijdens Carnavalsperiode
Carnaval, de periode van feest en gezelligheid is weer aangekomen. Groot en klein willen meedoen. Maar niet alle activiteiten zijn voor alle leeftijden. Als ouder bent u verantwoordelijk voor uw kind en het is uw plicht om verstandige beslissingen te nemen om uw kind ten allen tijden te beschermen.
Het is belangrijk dat we bewust zijn van de gevaren die voorkomen tijdens de Carnavalsperiode
Het is niet verstandig om baby’s en kleine kinderen mee te nemen naar activiteiten voor volwassenen in de avond of om de hele dag naar een Carnavalsparade te staan kijken. Houd er rekening mee dat kinderen op tijd naar bed moeten. Ze hebben recht op voldoende rust, gezonde voeding en bescherming. Niet alleen bescherming voor hun gehoor tegen harde muziek of voor hun huid tegen zonnestralen, maar bescherming tegen misbruik, mishandeling en verwaarlozing.
Bij wie laat u uw kind achter?
Tijdens de Carnavalsperiode ontstaan er veel illegale kinderdagverblijven die hun diensten aanbieden, terwijl ze niet geschikt zijn om kinderen op te vangen. Laat uw kind niet bij de goedkoopste babysitter of bij diegene onderweg naar huis. Plan géén sleepover bij een vriendinnetje van uw kind thuis waar u nooit eerder bent binnengeweest. Dat zijn géén verstandige beslissingen. Zorg ervoor dat uw kind op een veilige plek is en onder toezicht van iemand die u goed kent en weet hoe verantwoordelijk die persoon is.
Alert blijven!
Laat een kind niet alleen naar toilet gaan of iets verderop in de straat wat gaan kopen, hoe kort de afstand ook mag zijn. Zorg dat het kind niet kan verdwalen. Zorg ervoor dat een verantwoordelijke volwassene te allen tijde toezicht houdt op het kind en dat het kind zijn of haar volledige naam, adres en telefoonnummer kent of een kaartje met deze informatie op zijn kleding heeft. Leer het kind personen van de hulpdiensten, politie(KPC), VKC of BFS te signaleren, zodat ze weten bij wie ze hulp kunnen vragen.
Tijdens de Carnavalsperiode kan er overmatig gebruik van drugs en alcohol plaatsvinden, wat kan leiden tot verschillende vormen van misbruik. Dit is een van de redenen waarom het aantal gevallen van huiselijk geweld rond deze periode in onze gemeenschap stijgt. Vermijd om kinderen en jongeren bloot te stellen aan deze situaties die niet overeenkomen met hun ontwikkelingsfase.
Besef dat misbruik en met name seksueel misbruik vaak gepleegd wordt door een bekende. Niet alleen mannen, maar ook vrouwen, b.v. een tante of een nicht kunnen ook seksueel misbruik plegen bij een minderjarige.
Laat u een jongere/minderjarige op een kind letten, b.v. een grotere zus/nicht van 15 jaar blijft alleen thuis met een broertje/kind van 4 jaar, is ook niet verstandig. Eén derde (1/3) van de gevallen van seksueel misbruik bij kinderen wordt gepleegd door een persoon onder de 18 jaar, dus door een andere minderjarige.
Kinderen mogen géén slachtoffer worden van het gebrek aan verantwoordelijkheid van volwassenen!
‘Fundashon Bos di Hubentut vindt het van groot belang dat alle ouders en tutoren met onze kinderen en jongeren praten over de gevaren, zoals misbruik em met name seksueel misbruik dat kan plaatsvinden tijdens deze leuke Carnavalsperiode, zodat ze gevaren tijdig kunnen herkennen en weten bij wie ze terecht kunnen voor zichzelf of een ander.
Voor meer informatie kunt u contact opnemen tijdens kantooruren op de telefoonnummers 462-2442, 461-8103 of op WhatsApp 524-5362.
