‘HUURCOMMISSIE’ OFISIALMENTE DEN EDIFISIO LOKÈT DI PÈRMIT
MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO
‘HUURCOMMISSIE’ OFISIALMENTE DEN EDIFISIO LOKÈT DI PÈRMIT
PUBLIKÁ RIBA 16 FEBRÜARI 2024
Willemstad – djamars, 13 di febrüari 2024, minister Ornelio Martina a formalisá e integrashon di e Komishon di Hür esta Huurcommissie den e Organisashon ehekutivo ku yama Vergunningenloket (Lokèt di Pèrmit) na Saliña 127.
E ofisina di Komishon di Hür no ta situa mas na Fòrti sino a muda pa Saliña 127 i ta forma parti di e servisionan di Lokèt di Pèrmit.
Minister Martina a informá ku e trabounan di e departamento tin retraso pero ku awor ku e Ministerio di Maneho di Gobernashon, Planifikashon i Servisio Publiko a tuma nan over lo bai aktualisá lo máksimo e servisionan. Aplikashonnan nobo ku drenta awor lo keda atendé ku e diligensha nesesario i asina e zitting-nan por tuma lugá.
Lokèt di Pèrmit ta alkansabel na:
- Telefòn: 433-3123 òf
- Whatsapp: 433-3127
- Instagram: loket.di.permit
- Facebook: lokèt di Pèrmit
- Website: https://loketdigital.gobiernu.cw
Spesial pa petishon òf informashon tokante hür di edifisio:
* e-mail huurcommissie@gobiernu.cw.
Hopi importante pa menshoná den e ‘e-mail’ bo nòmber kompletu, adrès i e number di telefòn riba kua bo ta alkansabel.
Esaki ta otro muestra di gobièrnu ku nos ta traha pa mehorá nos servisio pa nos pueblo.
