Kòrsou lo ta bon representá na e sertámen international Miss Teen Grand Universo ku ta tuma luga na Cartagena, Colombia

Kòrsou lo ta bon representá na e sertámen international
Miss Teen Grand Universo
ku ta tuma luga na Cartagena, Colombia

 

Willemstad – Queen Making Queens Organization bou di guia di ex Miss Kòrsou, sra. Ayanette Haard Statia i su tim, ta klá pa un biaha mas bai representá Kòrsou riba tarima di beyesa international.

 

E biaha aki ta toka turno na otro sertámen international hopi popular i di nivel haltu ku QMQ Organization ta traha kune, kual ta Miss Teen Grand Universo. E sertámen international lo tuma luga na Cartagena, Colombia di 21 pa 28 febrüari 2024 ku partisipashon di mas ku 45 hoben di diferente país, den tres kategoria.

 

Nos embahadora di hubentud maksimo, Amanda Verkerk, tin e tarea grandi pa representá nos den e kategoria prinsipal di e sertámen Miss Teen Grand. Liyanne Hoevertsz i Zheenah Aniseto tambe ta biaha pa e kompetensia i lo representá Kòrsou den e kategoria di Miss Teen Petite Universo i Miss Pre-Teen Grand Universo.

 

E enthousiasmo ta grandi bou di e representantenan ku a sa di prepara último dos lunanan intensivo pa e representashon aki. No ta fasil pa ta un reina di beyesa, mirando e sakrifisionan i disciplina ku mester pa e preparashon i representashon. Tambe e invershon ta grandi pa nan por lusi espektakular durante e siman. Nos representantenan a prepará den área di kombersashon, pasarela, fotografía i e parti fisiko. Preparashon di trahenan k unan lo lusi durante e siman, a tuma luga tantu na Kòrsou mes, komo serka diseñador international pa nos tres representantenan.

 

QMQ Organization lo sa di laga pueblo di Kòrsou biba e momentunan importante di e kompetensia durante e siman aki di nos representantenan dor di kompartí tur informashon via medianan social i di notisia preferí.

 

E gran final di e sertámen lo ta 26 i 27 febrüari 2024 i por sigui e página ofisial di e sertámen riba facebook i instagram Miss Teen Grand Universo pa sintonisá e transmishonnan live i sostené nos representantenan.

 

Pueblo di Kòrsou ta keda invitá pa ban sostené nos representantenan ku boso like, komentario i support pa nos representantenan.

 

QMQ Organization ke yama un danki grandi na mayornan di nos representantenan pa tur e konfiansa i sosten pa huntu traha pa logra e meta aki. Boso sosten ta sumamente importante.

 

Tambe un danki ta bai na hinter e tim ku ta trahando duru pa nos representantenan por hasi un bon trabou. Rodney Aniseto Hair Studio, Edmee Haard Statia, Derek Olbino Photograpy, Choco Photograpy, InFilms videos, Dany Balentien I Ayanette Haard Statia.

 

Nos ta siguí kere den prepará nos hóbennan for di awor ku eksperensia international, pa por wak nan bèk den sertámen nan grandi representando Kòrsou den futuro. Ban sostene nan for di awor, paso ta YDK nos ta!

---

 

Amanda Verkerk ya ta un di e faboritonan pa e sertámen internashonal Miss Teen Grand Universo

Willemstad – E espektativa ta grandi pa mira Amanda Verkerk riba esenario di e sertámen Miss Teen Grand Universo ku ta bai tuma luga 27 di febrüari awor na Cartagena, Colombia.

 

Amanda Verkerk ta un hoben di 17 aña di edat, studiante di Radulphus College. For di chikitu Amanda a dediká na e deporte di korementu di kabei i tabatin pashon pa e mundo di beyesa. Amanda a forma parti di diferente skol di beyesa i a desfila den diferente show lokal.

 

Na Juli 2023 Amanda a participa na Miss Teenage Globe Curacao i a gana e título maksimo. Esaki a duna Amanda e derecho pa por representá Kòrsou den e sertámen international. For di e momento ku Amanda a gana e sertámen lokal, ta masa hopi organisashon internashonal a aserka QMQ Organization pa pidi pa Amanda por ta den nan sertámen internashonal. Despues di un evaluashon profundo a skohe pa Amanda por representá Kòrsou na Miss Teen Grand Universo, mirando ku e sertámen ta enfoká riba trabounan social ku ta un área fuerte di Amanda.

 

Tambe ya nos sa ku organisashon lokal di Miss Kòrsou a aserka Amanda pa por participa pa e sertámen maksimo pero ku mester warda Amanda kumpli ku e edat reglamentario. Pues Amanda ya ta halando basta atenshon i ta premira ku e por gana e korona inernational aki, kual lo yuda sigur na e eksperensia pa por sigui pa sertamennan mas grandi.

 

Djarason awor Amanda lo biaha huntu ku otro representantenan pa Cartagena Colombia.

 

Por sigui Amanda via su plataforma di Instagram i tambe Facebook, kaminda e lo komparti tur desaroyo di e certamen aki.