MFK surdu, muda i siegu riba lei screening. “Three wise monkeys” Komunikado di prensa di Sherwin Thielman

Miembro Trabou Pa Kòrsou TPK, Sherwin Thielman, MBA

                     Den oposishon MFK tabata borota, awor nan a pèrdè lenga

        MFK surdu, muda i siegu riba lei screening. “Three wise monkeys”

                          Makaku ta hunga ku su yiu, te ora e saka su wowo

 

Sherwin Thielman di Trabou pa Kòrsou TPK ta remarka ku atrobe lei di “screening” ta den diskushon (landsverordening kandidaat minister). E forma ku e lei a wòrdu traha, a sòru pa hopi daño. Nos por kòrda e kaso di Sra Walle kaminda ela lanta un fundashon pa yuda hobennan studiante ku tábata pegá den debe di estudio, no debe riba pantomina. Meskos e kaso di Sr. Cooper kaminda na un manera inhustu a hasié sospechoso i pa na final e sali kompletamente liber, pero a strobe di bira minister. Manera e lei ta formula, asta otro nan a bini a uze komo un arma pa purba basha gobièrnunan abou of eliminá sierto minister.  Na 2019 konseho di konsulta a duna un konsulta bisando ku mester kambia artikulo 29, paso na nan huisio e artikulo aki mester ta válido pa areglo di estado so. Artíkulo 29 ta bisa ku pa bo hasi kambio na e lei, bo mester 2 tersera parti (14 voto). E tempu ei Sr. Pisas, Sr. Cooper, Sr. Doran I Sr. Carolina a pidi reunion públiko. Kon awor ku nan tin 13 asiento niun no ta hasi nada pa logra e kambio aki.

 

Artikulo 7 insiso 1b di e lei ta bisa ku informado no por propone bo pa minister si bo ta sospechoso. Esaki a resultá den práktika ku algun minister mester e bandoná nan funshon. E lei aki ta kontra prinsipionan di derecho humano “inosente te ora pruebá kulpabel”

Na 2020 gobièrnu a manda e rapòrt final di un evaluashon ku un komishon a hasi riba e lei. E evaluashon aki a bini después ku Ministerio Publiko a manda un karta pa gobièrnu ku algun punto importante aden. Den e evaluashon a atendé ekeftividat i efektonan di e lei den práktika. Tambe a kombersa ku diferente formadó, konseho di minister, parlamentario i èks minister presidente nan. E komishon a konstatá ku tin buraku nan den e lei i ku no tin klaridat riba interpretashon i terminologia nan manera interes komersial, funshon i aktividat nan sekundario. Debi ku esaki nan no ta bon definí, no ta bon kla ki ora un hende ta den infrakshon relashoná ku e lei. Tambe e komishon a konstatá ku mester definí mihó kiko ta intenshon di e lei. Mas aleu e komishon a konstatá ku lei ta permití hasi investigashon hopi spesífiko personal riba e parti fiskal, transakshon i médiko di e kandidato minister i esaki ta bai kontra lei di privasidat i e instansia nan no mag di duna e informashon nan aki.

 Sr. Sherwin Thielman, MBA,  Msc