KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Reakshon riba publikashon riba media sosial

KOMUNIKADO DI PRENSA 080/2024
19 febrüari 2024

Reakshon riba publikashon riba media sosial

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

No ta kustumber ku Kuerpo Polisial ta reakshoná riba públikashonnan ku ta ser poné riba
medionan sosial, pero den e kaso aki ta importante pa trese aklarashon i hinka tur kos den
e konteksto korekto.
Djabièrnè dia 16 di febrüari último, hefe di Departamentu di Komunikashon i Prevenshon a
sinta ku algun hóben di un grupo di ‘brassband’ riba nan petishon pa papia tokante di un
intervenshon entre polis i algun miembro di nan, durante di un di e marchanan di karnaval
resién.
Sin mester bai den tantu detaye di kontenido di e kombersashon, e grupo a trese dilanti ku
tabatin un problema entre nan i algun otro hóben ku tabata pará kantu di kaya ku a bin
kulminá den un bringamentu.
Durante di e bringamentu entre di e hóbennan aki, tabata nesesario pa polis a intervení
hasiendo uso di violensia pa kalma e situashon.
E hóbennan a atmití ku tabatin un bringamentu entre nan i na nan a wòrdu spliká tambe ku
polis tei pa mantenshon di òrdu públiko i den e kaso aki, esaki a wòrdu tachá i tabata
nesesario pa e keda restablesé ku man duru.
Sinembargo nan tabata di opinion ku algun integrante di e grupo a risibí sla sin ku nan
tabata parti di e problema.
Riba e punto spesífiko aki, esta di e echo ku algun miembro inosente a haña sla, e
relashonista públiko i e miembronan di e grupo a papia i yega na bon entendimentu ku
otro. Alabes a mustra nan tambe ku e posibilidat ei por eksistí, si bo no alehá for di loke ta
tumando lugá. Aktuashon den masa semper por trese e rísikonan aki kuné.
Kuerpo Polisial ta enfatisá komo esun yamá pa garantisá òrdu i seguridat den nos pais, ku lo
e sigui aktua ku e mesun firmesa i determinashon tur momentu ku e situashon òf
sirkumstansia ta rekerí esei di dje.

 

639114718427035"
639114718427035"