KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Alerta pa ladronisia di vehíkulo na kas

KOMUNIKADO DI PRENSA 093/2024
24 febrüari 2024

Alerta pa ladronisia di vehíkulo na kas

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

E departamento ku ta enkargá ku investigashon di ladronisia di vehíkulonan, a konstatá ku
últimamente mayoría vehíkulo ku wòrdu hòrtá, ta esnan ku ta keda stashoná dilanti di un
bibienda òf den kurá di un bibienda.
E vehíkulonan ku e aña aki te ainda a keda hòrtá na kas, ta representá 80 porshentu di e
kantidat total di vehíkulonan ku a keda hòrtá rònt Kòrsou den e promé 2 lunanan di 2024.
P’esei un yamada ta bai na tur siudadano i doñonan di vehíkulo pa ta alerta riba ladronisia
di vehíkulonan na kas.
Sigur si bo vehíkulo ta para pafó di kurá òf bo kurá di kas no ta (kompletmente) será, tuma e
medidanan apropiá pa evitá ku bo ta bira víktima.
Instalá alarma, pone un lòk pa bo sturwil òf kualke deskonekshon na momentu di start e
outo, pa bo no mester pèrdè bo ko’i kareda.
Alabes nos ta keda rekomendá pa stashoná bo vehíkulo kaminda ku tin sufisiente
iluminashon i moveshon di hende òf tráfiko.
Kuerpo Polisial ta sigui analisá e último tendensianan den kriminalidat pa nos huntu ku bo
por kombatí tur loke ta ilegalidat i keda biba seif i den tur trankilidat.
Si bo tin kualke pregunta i/o informashon, semper por yama e numbernan di telefòn
7246230 òf 7246232.

 

639114718427035"
639114718427035"