Promé Minister sr. Gilmar Pisas a risibí e  Vice Presidente i Direktor Ehekutivo de Power International Holding

Promé Minister sr. Gilmar Pisas a risibí e  Vice Presidente i Direktor Ehekutivo de Power International Holding

 

Willemstad – Promé Minister sr. Gilmar Pisas a risibí Sr. Ramez Al-Khayyat, Vise Presidente i Direktor Ehekutivo di Power International Holding (PIH) na Qatar dia 20 di febrüari 2024.

 

PIH ta konosí pa su portafolio diversifiká i e ta operá den sinku sektor prinsipal kualnan ta: energia, petroli i gas, kobenionan general, industria i servisio, agrikultura i industria alimentisio, i propiedat inmóbil.

 

E bishita di sr. Al-Khayyat a keda inspirá pa medio di e ophetivo pa evaluá oportunidatnan di desaroyo i invershonnan, ku e enfoke partikular riba e fortalesa ku e Holding tin riba e sektor di petroli i gas den e diferente áreanan operashonal.

E meta di e strategia aki ta pa kontribuí na mehorashon di e infrastruktura i kresementu ekonómiko den region.

 

Power International Holding ta komprometé pa generá balor sosial atrabes di invershonnan stratégiko i e avanse di inisiativanan di desaroyo sostenibel.

Den e presentashon ku sr. Al-Khayyat a hasi na Promé Minister sr. Pisas e la deskribí ampliamente e portafolio di invershon i proyektonan éksitoso ku e Holding a ehekutá den varios pais, demostrando un historia sólido di empresanan efektivo i benefisioso.

 

E informashon ku a keda kompartí ku Promé Minister sr. Pisas tabata konvinsente i sr. Al-Khayyat a ekpresá su aspirashon pa ku oportunidatnan di invershon na Kòrsou, destiná pa apoyá e desaroyo i prosperidat di nos nashon.

 

E bishita tabata unu bastante interesante.