Matrimonio i Divorsio un tema tabú den nos komunidat?

 

Matrimonio i Divorsio un tema tabú den nos komunidat?

 

Komo un lider spiritual pa un temporada e situashon di matrimonio i divorsio ta halando nos atenshon mas i mas, mirando ku e tema aki ta di suma importansia pa un komunidat.

Nos a tuma nota ku tin diferente pensamentu den esaki i e sifranan di divorsio ta keda oumentá asta bou di e kristianan. Pa e motibu aki e ta un tema ku nos mester dil ku ne, pa asina nos por tin matrimonionan, famianan i un komunidat saludabel.

 

Den e kuadro aki, Life Changers Ministries, ta organisá un konferensia di matrimonio asina yama  “ Huntu nos ta fuerte ” ku diferente oradornan entre otro Eks “Dean of families” di Christ for the Nation, John Tranel for di Texas, tambe pastornan Raimy y Arlette Juliet i pastor Widney Martha.

 

Lo tin diferente tópiko entre otro: ‘E Genesis di matrimonio’, ‘kon pa dil ku konfliktonan den matriomonio’, ‘kasá ku un no kreyente’, ‘Divorsio’ i tambe e tópiko di famia. Lo tin oportunidat pa hasi pregunta den kada seshon pa mehorá bo relashon.

 

Esaki lo tuma lugá dianan 1 & 2 di mart 2024 na e edifisio di Bida Nobo na Cas Grandi (kaminda tabata radio hit 100.3 banda di e pomp di Vanddis) Kòrda entrada ta grátis, pero pa asistí mester registrá na www.lifechangers-ministries.org/events. Pa pregunta i òf informashon por tuma kontakto na +5999 6709626