Petishon pa búskeda di e hòmber Aldemar Noah Arcangel Sophia
KOMUNIKADO DI PRENSA 098/2024
27 febüari 2024
Petishon pa búskeda di e hòmber Aldemar Noah Arcangel Sophia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Polis ta pidi búskeda di e hòmber Aldemar Noah Arcangel Sophia, nasé na Kòrsou di 33
aña di edat. Djaluna dia 26 di febrüari 2024, alrededor di 06.20’or e hòmber aki a sali su kas
na Kaya Augusto Boelijn ku destinashon pa su trabou den área di Koraal Specht i no a
regresá su kas.
Aldemar tin e siguiente deskripshon:
Postura: balente;
Forma di kara: rondó;
Kabei: kòrtiku pelá, maron skur;
Koló di wowo: maron kla;
Kolo di Kueru: maron kla;
Na momento ku Aldemar a sali kas e tabatin un kamisa i un karson blou skur bistí i na su pia
e tabatin un sapatu di trabou bistí (Veiligheidschoen).
E último biaha ku a mir’é tabata nèt na momento ku e tabata kana den área di un kompleho
deportivo na Brievengat.
Polis ta supliká tur persona ku por duna kualke informashon tokante di e hòmber aki pa
tuma kontakto ku polis na number di telefòn 917 òf e number anónimo 108.