KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

SEÚ 2024 TA NA KAMINDA | ENTREGÁ PETISHON PA PÈRMIT

MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO

 

SEÚ 2024 TA NA KAMINDA | ENTREGÁ PETISHON PA PÈRMIT

PUBLIKÁ RIBA 04 MART 2024

Willemstad – Lokèt di Pèrmit di Ministerio di Maneho di Gobernashon, Planifikashon i Servisio Públiko ta informá ku e periodo pa entregá petishonnan pa pèrmit ta habrí. Den kuadro e próksimo marcha di Seú, kual ta 1 di aprel 2024, Lokèt di Pèrmit ta partisipá ku: Último fecha pa hasi petishon ta djaluna 11 di mart 2024.
Esaki ta Pèrmitnan Puesto Fiho (Standplaats-) i Puesto Ambulante (Ventvergunning)

Ta pidi pa tuma bon nota di e fecha ariba menshoná i perkurá pa bo tin tur bo dokumentonan na òrdu pa bo por hasi bo petishon.

Rekomendabel ta pa bishitá nos Lokèt Digital riba e lenk aki bou menshoná pa e ‘checklist’ di e pèrmitnan i pa hasi bo petishon ònline si bo no ta alkansá bini personal serka nos;

https://loketdigital.gobiernu.cw

Lokèt di Pèrmit ta situá na Saliña 127 Eurobuilding (Banda di Subway).

Banda di nos Lokèt Digital Nos ta alkansabel tambe via number di telefòn 433-3123.
Orario: djaluna pa djaweps 08:00 – 15:00 or
djabièrnè 08:00 – 12:00 or.

639114718427035"
639114718427035"