Detenshon relashoná ku ladronisia di vehíkulo
KOMUNIKADO DI PRENSA 109/2024
5 mart 2024
Detenshon relashoná ku ladronisia di vehíkulo
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di ladronisia di outo ku a tuma lugá entre 11 pa 12 di yanüari 2024
den Zuiderzeestraat, polis a realisá dos detenshon.
Djamars 5 di mart 2024 alrededor di 01.55’or, polis a para un vehíkulo pa un kontròl riba
Gosieweg na altura di Kolonelsweg.
Den e vehíkulo aki polis a bin topa dos hòmber i tambe a enkontrá mùts i hanskun i e suich
tambe tabata kibrá.
Na e sitio polis a detené e dos hòmbernan aki pa e kaso ariba menshoná.
Ta trata di J.J.A.M di 17 aña di edat i S.G.R. di 19 aña di edat ambos nasé na Kòrsou.
A presentá ámbos sospechoso dilanti di un fiskal ouksiliar, ku a ordená nan enkarselamentu
pendiente di mas investigashon.

