KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon den investigashon kaso di droga

 

KOMUNIKADO DI PRENSA 127/2024
12 mart 2024

Detenshon den investigashon kaso di droga

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 12 di mart 2024 den oranan di mainta trempan, e Divishon di Krímen Organisá di
Kuerpo Polisial riba òrdu di Fiskal di Ministerio Públiko Kòrsou konhuntamente ku KMar,
Duana, Defensi i R.S.T. a tene diferente entrada hudisial na dos bibienda i sinku kompania.
Esaki tabata den kuadro di un investigashon relashoná ku trafikashon di droga riba nivel
lokal i internashonal.
A bai den área di Sta. Catharina, Janthiel, Seri Loraweg, Sta.Rosa, Veeris, Buena Vista
i Sta.Maria, i na un di e adrès nan aki a hasi detenshon di e hòmber M.J.A.T., di 41 aña di
edat nasé na Kòrsou enkonekshon ku e kaso ariba menshoná.
Na e sitionan a haña i konfiská diferente artíkulo ku ta di importansia pa e investigashon.
Investigashon den e kaso aki ta kontinuá i no ta eskluí ku lo bai tin mas detenshon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

639114718427035"
639114718427035"