Willemstad- Dia 20 aprel próksimo

Koro Sta. Famia lo ripití e tremendo konsierto KSF goes JLG.

Nos por kòrda ku resientemente, pa ta mas eksakto 18 novèmber último KSF tabata tin e promé konsierto dansant ku tabata un éksito rotundo.

Pa motibu di hopi petishon i hendenan ku no a logra haña karchi biaha pasá KSF lo pone un solo konsierto mas pa asina por brinda oportunidat na e personanan ku no a wak e show ahinda tambe por bin disfrutá di esaki.

KSF lo interpretá mas ku 30 piesa di e kanta- outor Juan Luis Guerra  kaminda pueblo por kanta, balia i disfrutá.

Tambe lo bai tin artistanan invitá. Entre nan  lo tin nos rei di tumba 2024 ku ta Adjatay  i tambe otro artistanan konosí manera Ramsey Frans, Djurick Virginie, Irvin “Luwi” Yano, Boy Thode i direktamente for di Aruba e konosido pastor Jairo  “The priest” ku lo bai deleitá pueblo di Kòrsou ku e tremendo kansionnan.

A hasi algun adaptashon na e programa i lo bai tin un sorpresa den e antesala.

Pa 8 or en punto e promé tononan lo kuminsá zona den WTC kaminda pueblo tin e oportunidat pa lanta balia riba e 2 pistanan di baile.

E biaha aki nos sekshon di VIP lo tin un kantidat limitá di karchi meskos ku e sekshon general pa asina nos por akomodá nos fanatikonan mas mihó posibel.