Raimy “Baas” Manuela Koperativa
Miembro Trabou Pa Kòrsou TPK, Raimy (Baas) Manuela
Trabou pa Kòrsou den forma di ami Raimy Baas Manuela ta bisa ku nos lo vigila banko sentral ku wowo di falki, esa’ki después ku tábatin hopi diskushon nan entre sosionan di ACU i banko sentral kual ta hibando su maneho i porfin awor nos tin prueba ku e intenshon di nan maneho ta pa kaba ku koperativa. E echo ku ACU ta un koperativa i no un banko, pero si banko sentral kier trat’e komo un banko, pa motibu ku eta un kompetensia pa bankonan nos por mira klaramente kon tur kos ta saliendo na kla.
Nos por mira kon sosionan a risibí 0.4% i tin hende apénas a risibí 84 sèn, tin a haña 20 florin tin a haña 10 florin, ta masha tiki hende a haña 40 florin, miéntras ku antes hende nan tábata haña 2 shent’i piku, te asta 400 florin, dus ta di e forma aki nos ta matando koperativa na Kòrsou. Ta pa evitá situashon nan aki mes Trabou Pa Kòrsou ta trahando pa basta ratu riba e lèi di koperativa. pero pa motibu di espasio, fondo parti finansiero ta hunga un ròl pa motibu ku parlamentario nan riba nan mes no tin un fondo pa tra lèi. Pakolmo huristanan no ta bin tra komo koloborador pa e miserabel sèn ku lo paga nan, kual ku naturalmente esaki ta hasi ku e kaminda ta muchu mas largu. Pero nos ta siguí i mester e sosten di pueblo pa nos por finalis’e i entreg’e na parlamento pa asina’ki para hinter e asuntu ku banko sentral ta trata koperativa nan di finansas komo sigurá ta bankonan ta, miéntras esaki no ta bèrdat. Di e forma aki ta kibra e hòmber chiki pero di e otro banda si a duna Ennia “free pass”. A laga Ennia hasi i des hasi manera e kier, bou di supervishon di banko sentral, sakando hopi sèn hinkando país den problema, buta ku pa 30 aña nos gobièrnu tin di bai paga 30 míon, miéntras banko sentral mes pa 50 aña 15 míon, dus ta mata e parti kaminda e pueblo luchado a poné nan sèn huntu i pa promé bia a keda demostrá ku ora pueblo buta sèn huntu den koperativa, i esaki ta para pa union i bira mas grandi ku tur e otro bankonan, awor tur hende ta spanta.
Miembro di Trabou Pa Kòrsou TPK,
Sr. Raimy (Baas) Manuela
