Siklo di Charla riba Tema Sikológiko na Sentro di bario Souax
Siklo di Charla riba Tema Sikológiko na Sentro di bario Souax
Entrante djamars 19 di mart próksimo Fundashon Pro Souax ta amplia e tipo di siklonan di charla ku e fundashon ta organisá mensualmente. Awor aparte di e siklonan di charla riba “Kuido di salú” i tambe “Bon Alimentashon” e organisashon di zona Souax ta kuminsá na Sentro di bario Souax, ku un siklo di charla riba “Temanan Sikológiko”.
Meta di e charlanan aki ta pa duna informashon i di e forma aki, hasi habitantenan di Souax i bisindario i tambe otro interesadonan mas konsiente di importansia di kuido di nan salú mental pa logra bienestar emoshonal, sikológiko i sosial balansá.
E charlanan ta na e enkargo di e konosido sikólogo drs. Vivian Lucia i lo ta grátis..
E promé charla lo ta djamars awor 19 di mart i e tópiko ku e sikológo lo trata ta:
“TROUMA I SU EFEKTONAN”.
Lo tin amplio oportunidat pa hasi pregunta i un i tur ta keda kòrdialmente invitá pa bin skucha informashonnan importante riba e tópiko aki.
Charla riba TEMA SIKOLOGIKO
Tópiko : “TROUMA I SU EFEKTONAN”
Oradó : SIKOLÓGO Sra. Vivian Lucia
Dia : Djamars 19 di MART 2024
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRATIS