Kaso di menasa ku un detenshon

KOMUNIKADO DI PRENSA 141/2024
18 mart 2024
Kaso di menasa ku un detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 17 di mart 2024 alrededor di 17.03’or, Sentral di Polis a dirigí un unidat polisial
na un adrès na Sinia Theresa pa un kaso di menasa.
Na e sitio un dama a deklará ku un ratu promé su ex pareha a menas’é ku e ta dal’é ku un
balki di palu den su kabes.
Na e sitio polis a detené e hòmber G.D.C., di 37 aña nasé na Kòrsou, pa e menasa ariba
menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
