Detenshon pa un kaso di ladronisia.

KOMUNIKADO DI PRENSA
282 / 2019
20 yüli 2019
Detenshon pa un kaso di ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 20 di yüli 2019, alrededor di 00.35’or di mardugá, Sentral di Polis a risibí
notifikashon ku riba Kaminda Salinja deskonosinan ta hòrtando piesa for di un vehíkulo ku
ta stashoná den e kaya. Na momento ku unidatnan a yega na e sitio nan a komprondé di
sentral ku e sospechosonan a bai den direkshon di un skol den serkania. Durante un
búskeda den e área polis a tuma nota di dos hòmber ku na momentu ku nan a mira e unidat
polisial a kuminsá kore. Riba Grebbelinieweg krusada Roermondstraat polis a nota dos
hòmber ku ta kuadra ku e deskripshon di e dos hòmbernan ku un ratu promé tabata horta
piesa for di un vehíkulo. Durante un investigashon riba e hòmbernan aki polis a haña i
konfiská dos kadena, un pida paña pretu i yabi di un outo.
Na e sitio polis a detené e hòmbernan:
 W.A.S. di 18 aña di edat;
 M.V.T. di 18 aña di edat, ámbos nasé na Kòrsou, komo sospechoso di e ladronisia
ariba menshoná.
A presentá e sospechosonan dilanti di un Fiskal Ouksiliar ku a ordená nan enkarselamentu
pendiente di mas investigashon.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: