Pronóstiko di tempu pa Kòrsou i bisindario bálido te djarason mainta 06:00 o.l., 2 di yüni 2021.
| Day: | Djamars | Djárason | Djaweps | Djabièrnè | Djasabra |
 áwaseru aislá |
áwaseru aislá |
áwaseru aislá |
 parsialmente nublá |
parsialmente nublá |
|
| Rain probability: | 20% | 20% | 20% | 0% | 0% |
| High: | 32ºC / 90ºF | 32ºC / 90ºF | 32ºC / 90ºF | 32ºC / 90ºF | 32ºC / 90ºF |
| Low: | 27ºC / 81ºF | 27ºC / 81ºF | 27ºC / 81ºF | 27ºC / 81ºF | 27ºC / 81ºF |
| Sunrise time: | 06:10 | 06:10 | 06:10 | 06:10 | 06:10 |
| Sunset time: | 18:57 | 18:57 | 18:57 | 18:58 | 18:58 |
| Wave heigth (meters): | 1 – 1.5 | 1 – 1.5 | 1 – 1.5 | 1 – 1.5 | 1 – 1.5 |
Pronóstiko
Pronóstiko di tempu pa Kòrsou i bisindario bálido te djarason mainta 06:00 o.l., 2 di yüni 2021.
Kompilá: djamars 1 di yüni 2021, 05:00 o.l. (09:00 UTC).
Tempu: Por lo general parsialmente nublá ku chèns pa un áwaseru breve durante oranan di mainta.
Temperatura máksimo lo alkansá 32ºC i temperatura mínimo 27ºC.
Solo ta sali 06:10 i ta baha 18:57 o.l.
Bientu: Generalmente for di ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).
Situashon general: Prinsipalmente durante oranan di mainta kondishonnan di tempu lo ta un poko mas favorabel i lo kondusí na un oumento di nubia ku algu mas posibilidat pa un áwaseru lokal. Sin embargo, pa gran parti di dia un tempu relativamente seku lo prevalesé. Di otro banda, stòf prosedente di Sahara lo sigui afektá nos atmósfera un poko durante e próksimo dianan.
Kondishon di laman: Trankil te moderá ku altura di olanan entre 1 i 2 meter (3 i 6 pia). E olanan di mas haltu lo ta na nort di e isla.
Sistemanan signifikante di wer tropikal: Ningun. Awe, 1 di yüni, temporada di orkan 2021 ta kuminsá ofisialmente. Manera ta kustumber, Servisio Meteorológiko Kòrsou lo monitoreá tur disturbio ku por forma menasa pa nos isla i, den kaso ku esei ta nesesario, lo emití atvertensia pa pueblo i outoridatnan di Kòrsou. E nòmbernan ku a ser reservá pa e tormentanan tropikal i orkannan di e aña aki ta: Ana, Bill, Claudette, Danny, Elsa, Fred, Grace, Henri, Ida, Julian, Kate, Larry, Mindy, Nicholas, Odette, Peter, Rose, Sam, Teresa, Victor i Wanda. Miéntras tantu, Tormenta Tropikal Ana ya a forma siman pasá riba parti wèst di Osean Atlántiko, den bisindario di Bermuda.
Fenómeno spesial: Ningun.
Perspektiva te djaweps mainta: Parsialmente te hopi nublá ku chèns pa algun áwaseru lokal.
Meteorólogo: Vrutaal.